ان سینسی = Ən sinsi
درباره سایت
آخرین مطالب
امکانات وب
آنالار, آی آنالار,
اوزاقلارا گئدرکن
دوشونون اوشاقلارین گؤیده قالان الینی
یا بیر توتان اولمازسا ...؟
آنالار, آی آنالار,
سمالارا باخارکن
آرخانیزجا اوزانان گؤزیاشلاری دوشونون
یا بیر سیلن اولمازسا ...؟
آنالار, آی آنالار,
بوقچانیزی باغلارکن
دیقّتلیجه یوخلایین
سیزه باغلی بیر اورَک
چاشیب یئرده قالماسین
سیز گؤرمه سز کیم گؤرَر
کیچیک بیر ات پارچاسین
بیر دوشونون دریندن
نه لر اولار عجبا ...؟
آیاق آلتدا ازیلیب
یوخ اولماق ان گؤزل شقّ !
آنالار, آی آنالار,
حقّین دعوتینی گئری چئویرمک اولماز
گئتمگه مجبوریسه ز
باری بیزی تاپشیرین
یانیزداکی حضرته .
برچسب:
نویسنده: آرشان عباسی